Samundaro k Gehraiyo se bhi gehre
Dekhe the maine kabhi Sapne Sunhere
Sapno me dekha tha ek Jahaan
Jisme thi Beshumaar Khushiyaan
Maa ka Aanchal, Papa ka pyaar
Maa ki daant aur Papa ka Dulaar
Imli ki Chatni toh kabhi Aam ka achaar
Milta tha mujhe Unka pyaar beshumaar
Ghar se school, School se ghar
Naa thi muje Kisi bhi baat ki fikar
Naa Zindagi me koi pareshaani
Naa hone wale Unhoni ki khabhar..
Naa Socha tha kabhi
Ye pal hai kuch pal k mehmaan
Aur fir iske baad zindagi bhar mai rahungi pareshaan
Darr k saaye me jiyungi Zindagi,
Kho jaengi Dikhawato mein meri Saadgi
Ab Naa hai Maa ka aanchal
Naa Papa ka saath
Naa Maa k haath ki Chatni..
Naa aam ka achaar
Ab naa hi Maa Raato ko loriya gaakar sulati
Naa Subeh pyaar se jagaati hai
Naa papa Goad mein uthate
Naa Maa apne haatho se Khilaati hai
Door hai wo ab Chaand taaro ki tarah
Fir bhi Dil mein basey hai
Meethi yaadon ki tarah
Karne chali thi mai unlka Sapna poora
Par kya kabhi bhi ab paa sakungi
Unka Pyaar Adhoora
Raah naa Dikhta koi,
Toh Ghabra si jaati hun
Yaad aae unki toh
Sehem si jaati hun
Gir padte hai aansu aankho se
Jaise girtey hai sukhey bejaan patte
Pedo ki Saakho se..
Ho jaati hun udaas
Toh jaati hun unke tasvir k pass
Dekh unhe Tadapta hai mann
Aur yaad aata hai apna Bachpan
Jahaa tha Maa ka aanchal,
Papa ka Saath..
Imli ki chatni ,toh kabhi aam ka achaar
Aur milta tha mujhe unka pyaar Beshumaar..
In the loving Memory of my Childhood & My Parents.. Miss you Maa..
-Damini Shah
Awesome..!! 🙂
LikeLike
Thank you 🙂
LikeLiked by 1 person
Beautiful..!!
LikeLike