Aaj phir Banjaara honey ko dil karta hai
Bhaag kar door kahin
Seher ki es bhaagti zindagi se, Chain se Prakriti k goad mein Sar rakhne ko jee karta hai
Aaj phir banjaara honey ko Dil karta hai
Sukun hai kitna es khuley Aasmaan mein Soney mein
Pedo ki Shaakho mein
Jhula daal Yaron dosto k saath Khelne mein
Naa koi Shor yahaa
Naa koi Jaldbaazi hai
Sukun se bhaara har pal
Aur mehez saans leney se zaada Gehri Zindagi ki kahaani hai
Dekh ye Saralta Jeevan ki
Kathnaaiyon se Ubharne ko
Jee karta hai..
Aaj phir Banjaara honey ko dil krta hai..
Naa koi dikhawaa,
Naa hi yaha aapsi bair hai
Sab hai yaha ek dusre k apne,
Koi naa kisi k liye gair hai
Matlabi seher k Logon se hokar door
Yahaa Bas jaaney ko jee karta hai
Aaj phir Banjaara honey ko dil krta hai
Kathnaaiyon se bharey es jeevan ko
Sawaara hai kinti Sahejta se in logon ne yahaan
Jhooth ya Fareb se nahi
Sacchaiyon k beej bo kar
Jeevan k baagiche ko
Seencha hai inhoney yahaa
Naa hi hazaaro Khwaisho
K pool baandhey hain
Naa hai banaya hai koi
Sapno ka mehel
Umr bhar bas jeetey rahey hai hokar aazad
Ek parindey ki tarah ye Zindagi..
Dikhawato me naa kabhi bhi khoi hai inki saadgi
Dekh inhe apne bhi zehen se Dikhawey ka mukhota hataaney ko jee karta hai
Aaj phir banjaara honey ko dil krta hai
Kaash kabhi hum bhi ho paatey itney Acchey
Bhool kar aapsi ranjish
Ban jaatey inki tarah sacchey
Naa fir hoti fikr koi
Naa hi koi pareshaani
Sukh aur chain k pahiyo par Chalti jeevan ki apni ye Gaadi
Pinjro mein hokar kaid nahi
Aazaad gagan me Manavta ka parcham hum lehraatey
Kaash inki tarah Befikr hum bhi jee patey
Jaan kar inhe aaj itne kareeb se
Naa jaaney kyun Zindagi ko fir se samajhne ko jee karta hai
Aaj phir banjaara honey ko dil krta hai…
Aaj phir banjaara honey ko dil krta hai…..