Fir se Tere saath!!

Sunsaan sa jo tha Ghar,

Andhero me dubaa hua

Chiraag se bhi Roshan ho naa paaya

Us Andhere ko ek raat,

Teri Tasveer me giraft

Ek muskaan ne mitaa Diya

Mehsoos kar andhere me chhupi us roshini ko tere,

Zehen me ek khayaal sa aane lagaa..

Dil me jo Andhera hai

Kya kabhi bhi use mitaa paungi?

Parvat ko kaat Raashte toh fir bhi ban jaate hai..

Tere bin ek kadam bhi

Kya kabhi Mai chal paungi?

Kuch isi tarah k soch mein bitte hai,

Ab Kae raat or din khamoshi me mere

Is khamoshi ko lafzo mein,

Naa jaane kaise kisi ko bayaa kar paungi?

Kaash tum beete hue kal mein nahi,

Mere aaj mein Shaamil hoti

Fir Kalpanao me hi nahi,

Haqeeqat mein tumse milna ho paata

Pal do pal k liye hi sahi,

Fir se tere saath mera Jeena ho jaata..

-Damini Shah

Naa jaane kyun?

Naa baitha koi pal bhar bhi mere saath

Jab tak thi es Jism me jaan

Ab maut k baad,

Chaaro ore se mujhe ghere Jaa rahe hai

Naa jaane kyu befizul Dikhawaa kiye jaa rahe hai

Naa poocha kabhi haal tak jinhone,

Wo aaj mere liye aansu bahaa rahe hai

Naa thi kisi ko meri ek wakt ki Roti ki bhi chinta

Par aaj desi ghee mere muhh me daale jaa rahe hai

Naa jaane kyun befizul Dikhaawa kiye jaa rahe hai..

Naa kabhi bhet kiya ek rumaal tak jinhone

Wo aaj shawl aur Chaddar mujhe odhaaye jaa rahey hai

Jaante hai wo naa zarurat hai en chizo ki ab mujhe

Fir bhi naa Jaane kyun befizul Dikhawaa kiye jaa rahe hain

Doli mein bithaane ko,

Naa nikley the koi bhi apne ghar se

Aur aaj kandhe pe lejaane ko..

Jamghat lagaa rahe hai

Jo Naa hue the kabhi bhi mere dukh me shaamil

Ab wahi log mere jaane ka shok manaa rahe hai

Naa jaane kyun befizul Dikhawaa kiye jaa rahe hai

Aaj aaya Samajh mein..

Zindagi se bhi zaada kimti hai maut yahaa

Tabhi toh sukhi bejaan haddiyo ko mere

Chandan ki mehngi lakdiyo se Sajaa rahe hai…

Naa jaane kyu befizul Dikhawaa Kiye jaa rahe hai

-Damini Shah