Category Archives: Hindi poem

Mushkuraahat!!

Mushkuraahat bahaut kuch keh jaati hai

Dabe hue pau se aakar

Ek sukun bhari Saans de jaati hai

Khud k chehre pe khoobsurti

Aur dusro k chehre pe

Ek choti ki aas de jaati hai

Shabdo k ijhaar k bina bhi

Ye Mushkuraahat bahaut kuch keh jaati hai.

Islie dosto Mushkuraana bahaut jaruri hai es jeevan mein, 

Gumm ki barsaat bhula kar khushi k sunhere dhoop me jeene mein 

Tabhi toh jeevan ka ye bav saagar ho paayega paar

Warna reh jaenge fas kar es shok k bhul bhulaiye mein har baar.

Muskuraahat bahaut chizo ka pratik hai

Ye darshaati hai chehre ki prasanta, mann ki prafulta,

Saawan k pehle jhadi ki tarah jeevan me aae naye khushiyo ko jee bhar kar jeene ki aaturta, 

Muskaan jeevan me nae umeed ka sooraj laati hai,

niraasha k baadal hata kar utsaah k kirney jagaati hai. 

Jeevan me jo sabse jaruri hai, himmat aur vishwaas ,

ye uske aane ka sandesh de jaati hai

tabhi toh kehte hai ki muskuraahat dosto bahaut kuch keh jaati hai.

Bin mushuraae jeena hai vyarth,

Jaise ho bin pushp koi upwan, 

Kya milega dabakar khushiyo ko bheetar ,

Le ao choti si muskaan hothon par aur ban jao sundar.

Muskaan jeevan me rang bhar jaati hai, 

Nae rishto ko majboot aur puraano ko fir se taaza kar jaati hai.

Are ye muskaan hi toh hai jo dushmano ko bhi dost bana deti hai. 

Ye ek pyaari si muskaan hi toh hai jo kae sare mann k raaz bata deti hai.

Nae dulhan k hotho me saji betaabi ki tarah. 

Chote bacho k chehre pe mashumiyat ki tarah ,

Har ek par ek nae chaap chhor jaati hai 

Sachh hi kaha hai kisi ne ye muskuraahat bahaut kuch keh jaati hai!!

Toh fir ao dosto kar le mann ko aaj se pakka, 

Jiyenge toh khil khilakar, Naa kabhi baithenge odh niraasha k chaadar

Tabhi toh jeene ka mazaa aega, 

Ek choti se prayas se ham sab k chehro par ek muskaan bikhar jaeyega

Kyuki mushkuraahat Har gamm ko khushi mein badal deti hai, 

Zindagi mein nae umeed le aati hai, 

Dabe pau se aakar bhi ulaas ka shor machati hai…

Sach hi kaha hai kisine ye muskuraahat bahaut kuch keh jaati hai!!

Ye mushkuraaht bahut kuch keh jaati hai!

-Damini

Advertisements

Parinda!!

Khuley gagan mein jab udta hai parinda

Ho  befikr pankh wo failata hai 

Ghosley se nikal kuch paaney ki chaahat mein

Neeley aasmaan mein sair karta hai parinda

Chodh sukun ki chaadar

Anjaan aasma k neeley dhupattaey ko odh leta hai parinda

Es ummed mein ki hogi uski chhahat puri

Jee jaan laga kar udtaa rehta hai parinda

Ghosley mein tinkey hai pahuchaney

Osh girney se phle, dhaltey suraj sang lautna hai maksad uska

Yun basar kar zindagi apni

Kae nanhe pankho ko udnaa sikhata hai parinda

Pedo ki shaakho se upar uthh ucchaeyon ko chhuna sikhata hai Parinda

cropped-picsart_1432134304717.jpg

Swayam se Swayam ko..

Swayam se Swayam ko likhti hun mai..

Mann k sihai se Korey Panno ko aaj bharti hun mai

Ki chahey jo ho es jeevan mein

Udaasi ki taraf muh naa tu moodega

Mann ka ho ya naa ho kabhi

Mann vichlit na honey dega

Har ek zakhm bhar jaeyega

Kathin bhi aasaan ho jaeyega

Gar ho hausla purn, jeevan ko punah tu apnaeyega

Himmat haar kabhi kya kuch mila hai?

Rakhne se hausla hi toh sab mumkin hua hai

Toh fir badaltey zamaaney k saath badalne se tu daraa mat kar

Ro ro kar kabhi apne safar ko kosha mat kar

Jeevan toh chakka hai chalta hi jaeyega

Aaj ko kal ki chinta mein tu barbaad na kar

Jo hua accha hua

Jo hoga wo bhi accha hi hoga

Karm k siwa naa kal tere haath me tha kuch

Naa hi fir kal kuch ho paeyega

Toh kyun rahe tu uljha es awastha mein?

Kyun pathhar bharey hain chinta ki ,

Mann rupi farishtaa mein?

Tu adig ban khada reh chattano ki tarah

Fir dekh kaise kathin samay lamho mein simat kar beet jaeyega

Naa kabhi tu haara hai naa ab koi tujhe haraa paeyega

Jitney ki raah mein jab ab chal pada hai tu

Toh nischit jeet hi jeet toh paeyega

Nischit jeet hi jeet tu paeyega…

-Damini Shah

Sukun se bhara ek Saans liya!!

Tha wo kitna befikr aur khush

Jo Kaagaz k nau ka ban maanjhi

Bin patwaar use chala raha tha

Bheeni bheeni khusbu wali baarish mein

Thi kitni sukun chehre pe uski

Hoton Pe muskaan wo sabke sajaa raha tha

Dekh use kheltey yun befikri se

Merey mann mein sawalon key tufaan umdh ae

Wo khelta khilkhilaata sadak pe befikr

Mai yahaan baitha ghar k chaukhat pe

Khud se hi Chhipkar , ghabrae hue

Kyun tha itna antar dono k haal me

Ek ne kuch paaya nahi bheeng kar fir bhi hai khush

Aur dusra, jisne kuch khoya hi nahi wo fir kyun baitha hai naa khush?

Baarish toh ek hi thi dono k liye

Fir kyun bani ek k liye bin wiraam k wakya

Aur dusre k liye ant bhari shuruaat

Sach toh ye hai ki sehejta se jeney ki chaah mein

Jeeven ki saralta hi bhool gaya hai insaan

Bade bade sapne poore karne mein is kadar Khoya hai

K choti choti Khushiyaa jholi mein bharna

Bhool baitha hai insaan

Kuch hi pal mein , mann mein aen sawalo se

Khud hi mann ghutne laga

Fir kya,

khol di Ghar ki saari khidkiyaa maine

Aur chain se bhara ek Saans liya

Aaney di baarish ki chhitey chehre pe apne

Bheeng janey k darr ko hataakar

Mann ko fir se jeeney ki aaturta se bheenganey ko mann kiya

Kuch pal k liye hi sahi,

Fir se maine sukun se bhara ek saans lia..

PicsArt_1432134304717